Wevideo-ko albistea: berezko Classroom integratua - Ikasnova

Duela gutxi, Wevideoko aplikazioa eguneratu da, eta, horren ondorioz, banakako edo lankidetzako zereginak esleitzeko aukera ematen duen plataformatik sorturiko classroom bat integratu dute. Horretaz gain, intuizioz berehala aurkitzen diren aldaketa txiki batzuk egon dira bideoak editatzeko menuen kokapenetan.

Sarbide-interfazea

Wevideora sartzerakoan, lehenik eta behin, lehen pantaila bat aurkituko dugu, “Classroom” eta “Personal”.

Bigarren aukeran (Personal), proiektuak sortzeko, bideoak editatzeko, esportazioak kudeatzeko... ezagutzen dugun kontrol-panelean sartuko ginateke.
Berrikuntza Classroom bidez sartzean aurkitzen dugu. Bertan, parte hartzen duten ikasleei zereginak kudeatzeko gelak sortzeko aukera dugu.

Goiko aldeko Wevideoko logoaren ondoan dagon, goitibeheratik, “Classroom” modutik modu “Personal”era aldatu ahal izango dugu.

Classroom

Aukera honetatik, behar ditugun taldekatzeetarako gelak sortuko ditugu, titulu bat esleituz eta, aukeran, iraupen bat (testuan) eta maila (testuan ere bai) idatziz. Azken eremu horien helburua eta edukia, gure sailkapenean eta kudeaketan lagunduko diguten eta pertsonalizatzen ahal diren beste batzuk izan daitezke.

Ikasgela sortu ondoren, "Students" atalean agertuko zaigun kode baten bidez ikasleak gehituko ditugu. Kode hori posta elektronikoaren bidez, adibidez, ikasleei jakinaraziko diegu.

Ondoren, ikasgelarako zereginak sortuko ditugu, banakako, taldeko edo elkarlaneko lanak diren bereiziz.

Bideoan xehetasun handiagoz ikus ditzakezue aipatu ditugun aldaketa guzti hauek.